About NIC

The “Itorero” was a cultural school and it was the channel through which the nation could convey messages to the people regarding national culture in areas such as language, patriotism, social relations, sports, dances and songs, defence of the nation,etc. redmore

Council Commissioners

Members  of  the  council  of  Commissioners, including  the  Chairperson  and  the  Vice Chairperson  have been  appointed  by  a  Presidential  Order after approval by the Senate.Members  of  the  Board  of  Commissioners   have  a  term  of  office  of  five  (5)  years  renewable only once. Read more

INTORE ZIKORA MU RWEGO RW’UBUZIMA MU RWANDA, ZARAHIRIYE KWITA KU BARWAYI NO GUKUMIRA INDWARA.

Figure 1 Impeshakurama mu muhango wo gusoza Itorero.


Abakora muri serivisi z’ubuvuzi mu Rwanda, basoje itorero ry’Impeshakurama, batangaza ko ibyo barikuyemo bizabafasha kurushaho guha serivisi nziza ababagana.

Babitangaje ubwo basozaga iryo torero bari bamazemo icyumweru, tariki ya 24 Ukuboza 2016.

Abatojwe bahamya ko muri iryo torero bigiyemo byinshi bizabafasha gukosora amakosa bajyaga bakora mu kazi kabo; nkuko Dusabe Josephine wakoreye Itorero mu karere ka Kirehe abisobanura. Agira ati “Bigiye kudufasha guhindura byinshi mu buvuzi mu bijyanye no gutanga serivise ku batugana, hari igihe twashyiragamo uburangare, tukirengagiza inshingano twahamagariwe.Ariko tugiye kubikosora no mu nshingano twahawe harimo gufata neza abatugana, icyo kibazo twaricaye tukivugutira umuti dusanga tugomba gukosora.”

Batojwe ibintu bitandukanye ariko cyane cyane biganisha ku gutanga serivisi nziza, zijyanye kandi n’Indangagaciro z’umuco nyarwanda. Ibyo byose rero bahamagarirwa kubishyira mu bikorwa;

Abaganirije izi ntore zo mu rwego rw’Ubuzima mu Rwanda bose bagarukaga ku kamaro k’itorero bati Itorero ryabaye umwanya wo gusobanukirwa neza indangagaciro z’ikwiye kuranga umukozi ukora muri serivise z’ubuvuzi no kuzanzamura ireme ry’ubuvuzi.

Babasabye gukorera hamwe, bagakorera  ku gihe, bababwira ko amasomo bahawe adakwiye kuba amasigaracyicaro, Abanyarwanda babategerejeho impinduka nyinshi.

Iri torero ryaberaga hiryo no hino mu turere ni icyiciro cya kabiri kuko ryabanjirijwe n’irya mbere ryabereye Gabiro rihuza abayobozi b’Ibitaro n’ibigo nderabuzima bagera kuri 800 ryateguwe ku bufatanye bwa Ministeri y’Ubuzima na Komisiyo y’Igihugu y’Itorero.




Designed by RWANDA DEVELOPMENT BOARD